Патнички авион „Боинг 787“ на Луфтханза доживеа пад на предниот дел од опремата за слетување додека беше паркиран на портата за излез на аеродромот во Франкфурт во четвртокот.
Луфтханза соопшти дека во инцидентот се повредени неколку вработени. Патниците сè уште не биле качени на летот за Лос Анџелес, пренесува Дојче веле.
Following a gear collapse at the gate in Frankfurt, Lufthansa 787-9 D-ABPQ has been significantly damaged. Today’s LH450 has been canceled. We are awaiting more information on any potential injuries. pic.twitter.com/FTBK4m2WyS
— Flightradar24 (@flightradar24) June 4, 2026
„Неколку вработени се повредени и во моментов им се пружа медицинска помош“, се вели во соопштението на Луфтханза.
Германската национална авиокомпанија соопшти дека инцидентот со Боинг Дримлајнер се случил околу 12:45 часот.
Портпаролот на Луфтханза изјави дека „предниот трап за слетување на авионот неочекувано се повлекол“ додека авионот бил паркиран.
Портпаролот додаде дека техничари и помошен персонал се на лице место и дека истрагата за „точните околности“ на инцидентот е во тек во соработка со надлежните органи.
Во авионот биле само членови на екипажот на Луфтханза и персоналот на земја.
