Ројтерс ја сними полицијата како турка и влече луѓе, од кои некои вееја знамиња во боите на виножитото, додека се собираа на улица во близина на централната авенија Истиклал.
Приведени се околу 20 лица, меѓу кои и еден фоторепортер, објавија медиумите.
[video:https://www.youtube.com/watch?v=_DHJaN8msoo autoplay:0]Турските власти во последните години неколку пати ја забрануваа Парадата на гордоста. Претходно илјадници луѓе учествуваа на овие паради по улиците на Истанбул. Турција одамна е кандидат за влез во Европската Унија, но нејзиниот процес на пристапување е отежнат од различни прашања, вклучително го и почитувањето на човековите права.
Во заедничкото писмо во четвртокот повеќето лидери на ЕУ ветија дека ќе продолжат да се борат против дискриминацијата на ЛГБТ-заедницата во време на спор со Унгарија, чиј парламент минатата недела го одобри законот за забрана за дистрибуција на материјали во училиштата што, според властите, ја промовираат хомосексуалноста и промена на полот.
