Човин е осуден на 22 и пол години затвор.
Обвинителите бараа 30-годишна затворска казна, што е двојно поголема казна од онаа предвидена за извршителите на убиство од втор степен.
Судијата на округот Хенепин Питер Кејхил претходно месецов пресуди дека обвинителите дале основа за изрекување построга казна на Човин.
Поротата 45-годишниот Човин го прогласи за виновен на 20 април.
Технички на Човин му се закануваше казна до 75-години затвор, но бидејќи поранешниот полицаец е неказнуван, судијата за убиство од втор степен и убиство од трет степен, според насоките за казнување неосудувано лице, можеше да му даде од 12 и пол до 15 години затвор, а за убиство без предумисла од три години и пет месеци до четири години и осум месеци.
Одбраната на Човин бараше условна казна и ново судење. Адвокатот на Човин аргументираше дека на неговиот клиент не му било овозможено правично судење поради грешките на обвинителството и поротата.
Снимката на белиот полицаец Човин како повеќе од девет минути му клечи на вратот на 46-годишниот Афроамериканец Џорџ Флојд предизвика гнев низ светот и почна најголемото протестно движење во САД во последните децении.
Обвинителите на државата Минесота напишаа дека злосторството на Човин ја шокирало совеста на земјата.
[video:https://youtu.be/5DpauioXOt0 autoplay:0]
