„Носителите на политичките одлуки што ќе се состанат на КОП26 во Глазгов итно се повикани да дадат ефикасни одговори за моменталната еколошка криза и на тој начин да им понудат конкретна надеж на идните генерации“, рече папата.
Франциско предупреди за „досега невидената закана на климатските промени врз заедничкиот дом“ на човештвото.
Во Глазгов почнува самитот за климата што ќе трае до 12 ноември.
Папата денеска го прими американскиот претседател Џозеф Бајден, кој престојува во Рим, каде што денеска и утре се одржуваат состаноците на лидерите на Групата 20 индустриски најразвиени земји во светот и на земјите во развој – Г20.
