Состанокот започна утрово во Ереван во време на високи тензии во Ормускиот теснец и нови сомнежи за посветеноста на САД кон НАТО алијансата. „Не мислиме дека сме предодредени да се покориме на свет на чиста трговија, кој е затворен во себе и брутален, ваквите состаноци укажуваат на подобар пат напред“, рече Карни.
Канадскиот премиер отворено посочи дека ерата на американското лидерство завршува и ја објасни симболиката на учеството на Канада на европскиот политички собир. „Мое цврсто лично верување е дека меѓународниот поредок ќе биде обновен, но ќе биде изграден од Европа“, изјави Карни.
Canadian PM Mark Carney:
It’s my strong personal view that the international order will be rebuilt — but it will be rebuilt out of Europe. pic.twitter.com/Dpe0oRIaIb
— Clash Report (@clashreport) May 4, 2026
Тој додаде дека учесниците на собирот не само што ја демонстрираат силата на своите вредности во одбраната на поредокот базиран на правила, туку и самата вредност на нивната сила.
„Светот поминува низ пресвртница во неколку димензии. Некои ја користат интеграцијата како оружје, а правилата повеќе не ги ограничуваат хегемоните“, предупреди канадскиот премиер.
