По неочекуваното реми против Зеленортските Острови во првото коло, избраниците на Луис де ла Фуенте овојпат не оставија простор за изненадување. „Црвената фурија“ доминираше од самиот почеток и уште во првото полувреме го реши прашањето околу победникот.
Ламин Јамал го отвори резултатот во 10. минута по асистенција на Микел Ојарзабал, а токму напаѓачот на Реал Сосиедад потоа двапати ја затресе мрежата за убедливи 3-0 пред паузата. Конечните 4-0 беа поставени на стартот од вториот дел кога Ал Тамбакти несреќно ја испрати топката во сопствената мрежа. До крајот Шпанците рутински ја контролираа играта, а еден гол на Феран Торес беше поништен поради офсајд.
Со оваа победа Шпанија се искачи на врвот во групата Х, а во последното коло против Уругвај ќе го решава прашањето за првото место на табелата.
