Според државната телевизија ЦЦТВ, локален работник околу 8 часот наутро забележал дека почнал одрон на камења и веднаш издал предупредување. Властите потоа наредиле евакуација на повеќе од 60 жители. Сепак, свлечиштето се активирало во 9:08 часот, токму за време на евакуацијата, при што дел од луѓето останале затрупани.
Siete de las personas atrapadas tras un deslizamiento de tierra registrado en la municipalidad de Chongqing, en el suroeste de #China, han sido rescatadas, confirmaron las autoridades locales.
El deslizamiento sepultó un número indeterminado de viviendas a lo largo de un… pic.twitter.com/w3vUAGyIYP
— David de la Paz 戴维 (@daviddelapaz) July 17, 2026
Сè уште се утврдува точниот број лица кои останале под урнатините. Официјалната новинска агенција Синхуа објави дека од урнатините биле извлечени девет лица и дека никој од нив не е во животна опасност.
Кинеското Министерство за управување со вонредни ситуации активираше втор степен на готовност. Во официјалното соопштение се наведува дека на терен е испратен спасувачки тим од 100 лица, а на местото на несреќата се ангажирани вкупно 206 пожарникари и спасувачи со 49 возила.
🚨 This morning, local time, a landslide struck near the Wujiang Third Bridge in Pengshui, Chongqing, China.
Multiple residential buildings were damaged or buried, and some people are reportedly trapped under the debris. Heavy rain has made rescue operations extremely difficult,… pic.twitter.com/WLFgbBpgQC
— Aric Chen (@aricchen) July 17, 2026
Причината за свлечиштето засега не е позната. Снимките од воздух објавени од ЦЦТВ покажуваат како карпи и урнатини се уриваат врз група станбени згради покрај река. На снимките се гледаат и луѓе кои бегаат додека зад нив се шири густ облак од прашина.
Ројтерс ја потврди автентичноста на снимката од камера поставена во автомобил, објавена на платформата Икс. На неа се гледа моментот кога дел од ридот се урива врз куќи и деловни објекти, а карпи и камења се расфрлаат по патот, принудувајќи автомобили и еден мотоциклист нагло да запрат.
