Пелистер ќе игра во групата Г заедно со Гумерсбах од Германија, Ла Риоха од Шпанија и Вибжеж Гдањск од Полска.
Во следната фаза ќе се пласираат прво и второпласираните од осумте групи, а на нив ќе им се приклучат и третопласираните и четвртопласираните тимови од Лигата на шампионите.
Вкупно 28 екипи ќе формираат 14 двојки, чии победници ќе обезбедат место во осминафиналето. Таму ќе им се приклучат и петтопласираните состави од главната рунда на ЛШ, а најуспешните ќе се борат за пласман на завршниот турнир (Фајнал фор) во Хамбург.
Новата сезона во Лигата на Европа ќе започне на 29 и 30 септември, кога ќе се одиграат натпреварите од првото коло од групната фаза.
Европска лига
ГРУПА А: Нексе Нашице, Елверум, Сен Рафаел, Хамарби
ГРУПА Б: Бидасоа Ирун, Лимож, Хафнарфјордур, Мадеира
ГРУПА Ц: Извиѓач Љубушки, Кадетен Шафхаузен, Шамбери, ЧСМ Букурешт
ГРУПА Д: Савехоф, Татран Прешов, Сесвете, Бергишер
ГРУПА Е: Фленсбург, Гранољерс, Бузау, Агуаш Санташ
ГРУПА Ф: Бенфика, Карвина, Торелавега, Холстебро
ГРУПА Г: Еурофарм Пелистер, Гумерсбах, Ла Риоха, Вибжеже Гдањск
ГРУПА Х: Татабања, Валур, Слован Љубљана, Морс
