Медицинските власти вчера пријавија 4.608 нови случаи и 32 починати, што е нов дневен рекорд во таа земја. Новите мерки кои стапуваат на сила на 13 септември не подразбираат задолжителна вакцинација, но се укинува бесплатното тестирање и се воведува обврска за невакцинираните да се тестираат еднаш или двапати неделно во зависност од нивната професија.
Цената на брзите тестови, од околу 10 евра, е значителен трошок за граѓаните на Грција, која е погодена од финансиската криза, и каде просечната плата е 1.161 евро.
Околу шест милиони луѓе во Грција, која има 11 милиони жители, веќе примиле една или две дози од вакцините.
„За разлика од есента минатата година, оваа есен сите мора да бидат вакцинирани“, кажа министерот за здравство Василис Кикилијас. „Сакаме да живееме или да играме руски рулет со коронавирусот?“
Тој кажа и дека бесплатното тестирање ќе продолжи за вакцинираните лица.
