Маск, познат поборник за криптовалути, откри дека не инвестирал во меме криптовалутата шиба ину, иако неговите твитови за меме криптовалутите во минатото предизвикаа огромен раст на цените.
Во серија твитови, повтори дека го поддржува доџкоин, нарекувајќи го „народна крипта“, како и многу негови вработени во Тесла и Спејсекс.
Out of curiosity, I acquired some ascii hash strings called “Bitcoin, Ethereum & Doge”. That’s it.
As I’ve said before, don’t bet the farm on crypto! True value is building products & providing services to your fellow human beings, not money in any form.
— Elon Musk (@elonmusk) October 24, 2021
Но, тој рече дека нема никаква врска со непрофитната фондација Доџкоин. Вели дека ниту тој ниту неговиот соработник Џаред Бирчал не биле во советодавниот одбор на фондацијата која работи на промовирање криптовалути преку патенти, застапување и заштитен знак.
Во еден твит, тој откри дека купил биткоин и етериум, двете најголеми криптовалути во светот, што е портфолио за кое тој и претходно јавно зборуваше.
Доџкоин скокна за 7,7 проценти по овие објави и со него во понеделникот наутро се тргуваше по 0,27 долари (0,20 фунти).
Вредноста на криптовалутата шиба ину порасна за повеќе од 50 проценти и достигна рекорд од 0,000044 американски долари во неделата, со што стана единаесетта најголема криптовалута на пазарот.
Но, кога еден корисник на Твитер го праша Маск колку токени од шиба ину поседува, неговиот одговор беше: „Ништо“.
None
— Elon Musk (@elonmusk) October 24, 2021
До понеделник наутро, вредноста на криптовалутата шиба ину падна на 0,000039 долари.
