„Значи, не прогласивме независност за да се дистанцираме од Албанија, туку од Србија“, кажа Курти, одговарајќи на новинарско прашање за реалните шанси за спојување на Албанија и Косово.
Наведе дека некој иден референдум спроведен по демократски и мирен пат исто така би бил израз на слободата на Косово, а не некаков товар наметнат на Косово или на народот на Косово.
„Сепак за ова не одлучувам јас. Граѓаните на Косово и Србија, како и на Европа и светот кои имаат двојно или дури тројно државјанство ги охрабрувам да гласаат во две или три држави на секои избори“, кажа Курти.
Наведе дека Косово и Албанија се економски и географски комплементарни што, ако дојде до спојување, според него би им помогнало на сите граѓани од двете страни на границата.
„Граѓаните на Косово и на Албанија живеат во две држави, но не се два народи. Нормално, афирмацијата на нашата поврзаност, блискост, интеграција и соработка на Косово и на Албанија е она што сакам да го зајакнам. Верувам дека овој став не е штетен за другите“, кажа Курти.
Потсети дека и лично е и албански државјанин и дека го практикува своето гласачко право во Албанија.
