Тој тоа го кажа за весникот Политика одговарајќи на прашањето дали го загрижува можноста за воена интервенција на САД по протестите во таа земја, а која ја бара кубанската емиграција на Флорида.
Според него, Куба е спремна да се соочи со интервенција истакнувајќи дека доктрината на земјата е војна на целиот народ.
„На секој агол ќе наидат на луѓе кои ќе ја бранат земјата. Целиот народ би учествувал. Американците знаат дека имале многу мртви војници и затоа никогаш не се одлучиле за интервенција“, кажа Дел Тодо.
Зборувајќи за неодамна организираните протести во таа земја тој кажа дека Куба има економски проблеми, недостиг, како и рестрикции поради пандемијата на коронавирусот, поради што, како што кажа, Американците видоа прилика и на социјалните мрежи ги поттикнаа немирите.
„Тие секаде го имаат истото сценарио, сакаат да ги искористат гладот и бедата да го побунат народот. Затоа се организирани протестите, но повеќето демонстранти беа луѓе од маргините: деликвенти, крадци, луѓе на условна слобода, осудувани за кривични дела“, кажа кубанскиот амбасадор.
Тој демантираше дека на Куба нема интернет и кажа дека единствената разлика е што го има преку сателит, а не преку кабел, кој е американски, и дека затоа е значително поспор и поскап.
Зборувајќи за вакцините, повтори дека се развиваат пет различни вакцини, од кои една е одобрена и дека се надева дека до крајот на годината сите граѓани ќе бидат вакцинирани.
Сепак, кажа дека кубанската вакцина сè уште не е спремна за извоз, а и кога ќе биде прво ќе им ја понудат на земјите од Јужна Америка.
„Разговарав со српската влада за кубанската вакцина, но мислам дека на Србија до декември нема ни да ѝ треба нова вакцина“, кажа Дел Тодо.
