Инцидентот се случи додека Зејнолабедин Корам, новиот гувернер на провинцијата Источен Азербејџан, држеше говор во џамијата Имам Хомеини во североисточниот град Табриз.
Видеото објавено на интернет од иранската полу-официјална новинска агенција Фарс покажува како човек мирно му приоѓа на Корам, му удира шлаканица, а потоа го оттурнува.
На снимката се гледа како обезбедувањето трча кон сторителот, кој е идентификуван како Ајуба Ализадех, припадник на иранските вооружени сили, и го одвлекува од бината.
На настанот присуствувале министерот за внатрешни работи на Иран, претставници на кабинетот на ајатолахот Хамнеи и други високи државни функционери.
Во интервју за државната телевизија ИРИБ, новиот гувернер рече дека лично не го познава сторителот.
Мотивот за нападот сè уште не е утврден.
