Во објава на социјалната мрежа Икс, тој изјави дека „новата формула на Ормускиот теснец се зацврстува“ и предупреди на последиците од сегашната ситуација.
„Безбедноста на навигацијата и енергетскиот транспорт се загрозени од САД и нивните сојузници со кршење на прекинот на огнот и воведување блокада; секако, нивното зло ќе ослабне“, рече Галибаф.
Тој додаде дека Иран верува дека САД не можат долгорочно да ја одржуваат сегашната ситуација. „Добро знаеме дека продолжувањето на статус кво е неподносливо за Америка; а ние сè уште не сме ни почнале“, рече тој.
Иран воведе блокада на странски бродови во Ормускиот теснец кратко по почетокот на војната, која започна на 28 февруари со американско-израелски напад во кој беше убиен врховниот лидер на Иран. Американскиот претседател Доналд Трамп одговори на 13 април со воведување контраблокада на бродовите што ги користат иранските пристаништа.
Трамп ја започна операцијата „Проект слобода“, чија цел е со обезбедување воена придружба да им се овозможи на трговските бродови да го напуштат овој стратешки важен поморски пат.
Но, иранската воена команда предупреди дека ќе го нападне секој американски воен брод што ќе се приближи до теснецот, дополнително зголемувајќи го ризикот од обнова на конфликтот.
