„Видеата и извештаите за насилно враќања на надворешните граници што беа објавени вчера се многу загрижувачки. Насилството и малтретирањето на мигрантите, барателите на азил и бегалците се неприфатливи и мора да се спроведе истрага“, рече портпаролот на Комисијата Адалберт Јанц, запрашан да ги коментира најновите извештаи за насилство врз мигрантите.
EU governments deny the existence of a violent campaign by masked men to turn away asylum seekers at EU borders. A months-long investigation by @LHReports & leading media unmasks these groups, reveals who commands & finances them pic.twitter.com/nGNFs5Epsi
— Lighthouse Reports (@LHreports) October 6, 2021
Во средата е објавено видео на кое се гледа како мажи со фантомки на главите тераат мигранти надвор од Хрватска преку притока на реката Корана, удирајќи со палки какви што имаат припадници на интервентната полиција, а некои носеле и јакни кои наликувале на дел од униформата на таа единица.
„Европската комисија остро се спротивставува на секоја практика на присилно враќање, наведувајќи дека тоа е незаконски, дека националните власти мора да спроведат истрага за да ги утврдат фактите и да преземат мерки доколку се утврдат прекршоци“, додаде портпаролот Јанц.
Хрватскиот министер за внатрешни работи, Давор Божиновиќ, во четвртокот изјави дека веќе е започната истрага за да се утврди што се случило.
„Експертски тим денес веќе е на терен и има задача да утврди што се случило, кој учествувал во тоа и каде се случило“, им рече Божиновиќ на новинарите на прашањето да ја коментира снимката со насилство врз мигрантите објавено во средата во неколку земји.
Министерот рече дека на претходни вакви објави, вклучително и на странските медиуми, секој пат се реагирало со соопштение во кое се наведува сопственото гледиште за она што евентуално се случило.
