„Две лица се уапсени во акција на полицијата во која синоќа беше запленет повеќе од еден тон кокаин“, соопштено е на официјалниот профил на црногорската полиција. Дрогата, се додава, е запленета во магацин во Зета, а се наоѓала во пратка банани.
„Полицијата заплени 1.205 пакувања опојни дроги во местото Мојановиќи во Зета со вкупна тежина од преку еден тон. Дрогата е најдена во пратка банани. Две лица се лишени од слобода“, соопшти полицијата.
Rekordna zaplena kokaina u Podgorici – čak 1600 kilograma. Policija blokirala prilaze centru bezbednosti pic.twitter.com/hBOaWItjzP
— Đorđe (@blackadder1991) August 26, 2021
Подгоричките медиуми јавуваат дека е запленет над тон и пол кокаин.
Поради акцијата во која е запленето најголемо количество дрога кога било во Црна Гора синоќа биле блокирани улици во Подгорица од страна на полицијата.
„Им честитам на директорот, менаџментот и службениците на управата на полицијата и царината во историската заплена на кокаин. Го правиме тоа што го ветивме. Црна Гора нема да биде земја на криминал“, порача црногорскиот вицепремиер Дритан Абазовиќ.
