Портпаролот на Пентагон, Џон Кирби, во изјава рече дека „голем број“ американски војници загинале во нападот, но не даде конкретни податоци.
Други се ранети, а загинале и „голем број Авганистанци“.
Амбасадорот на САД во Кабул потврдил пред локалниот персонал дека четворица американски маринци загинале во експлозиите, а тројца се ранети, објави Волстрит џурнал, повикувајќи се на американски службеник што бил присутен. Друг официјален претставник потврди дека „најмалку тројца“ Американци се повредени.
NEW: Pentagon confirms that “a number” of American military personnel were killed in today’s “complex attack.” They call it “heinous.” pic.twitter.com/rpq2l7onLU
— Lewis Goodall (@lewis_goodall) August 26, 2021
Експлозијата пред аеродромот во Кабул беше предизвикана од бомбашки самоубиствен напад, изјави денеска неименуван американски функционер за Ројтерс, повикувајќи се на првични информации и предупредувајќи дека тоа може да се промени. Најверојатно напаѓачите се припадници на Исламска држава.
[media file=”/files/article/2021/08/26/0-02-04-33b07ea3562c5e35070682696a6e17b229d08c543e0ff94bfd3231c03e6d887ceef774d6a5faef3f.mp4″]
Западните влади, меѓу другите и американската и британската, постојано предупредуваа на неизбежна можност за терористички напад на аеродромот.
[media file=”/files/article/2021/08/26/0-02-04-98e913256cd6cbbded2bdb2d1849fde185ab96809309bc6e0272e4dbb7866b72f01a0864a40f0071.mp4″]
Според Пентагон, жртвите се резултат на „комплексен напад“ во кој загинале и голем број авганистански цивили. Во експлозиите – за кои се претпоставува дека се резултат на еден самоубиствен бомбашки напад на портата Аби и едно возило-бомба во близина на хотелот Барон – загинаа вкупно 13 лица, потврди портпаролот на талибанците. Меѓу нив има и деца, а многумина се повредени. Талибанските стражари се меѓу повредените од експлозијата, додал претставникот. Подоцна, болница во Кабул соопшти дека најмалку 60 повредени лица се пренесени на лекување.
Предупредуваме, видеото е вознемирувачко:
[media file=”/files/article/2021/08/26/0-02-04-303f15752f16c541c52805264f10359459cd8484843c2a68bbbca87586c71282b1f3b58f72bfdf7.mp4″]
