Американската агенција за одбранбено-безбедносна соработка соопшти дека одобрила продажба на четири повеќенаменски воени бродови од компанијата Локхид Мартин, договор вреден 6,9 милијарди долари, само 10 недели откако Атина потпиша меморандум за разбирање со Париз за сличен договор за француски воени бродови.
Во меморандумот на Франција и Грција, сепак, стои дека двете страни имаат рок до крајот на оваа година да постигнат конечен договор.
Американската агенција, исто така, одобри програма на Локхид вредна 2,5 милијарди долари за надградба на грчката фрегата од класата МЕКО, вклучувајќи додавање и надградба на системот на вооружување и електроника.
Соопштението сугерира дека Франција би можела да се соочи со нова закана во продажбата на своето оружје, откако Соединетите Држави ѝ „киднапираа“ огромен договор за продажба на подморници на Австралија во шокантна објава на 15 септември што ги уназади односите меѓу Вашингтон и Париз.
