„Оваа јужна аурора, предизвикана од неодамнешен сончев настан, за разлика од претходните што сум ги видела, танцуваше и се извиваше директно под нас, приредувајќи неверојатен спектакл. Восхитена сум од овој етеричен и емотивно моќен природен феномен“, напиша Меир на социјалната мрежа Икс.
Според податоците на НАСА и експертите за вселенско време, појавата е последица на неодамнешната зголемена сончева активност. При силни сончеви ерупции и исфрлања на наелектризирани честички од Сонцето, тие се судираат со магнетното поле и горните слоеви на атмосферата на Земјата, создавајќи ги познатите светлосни завеси над поларните области.
Од орбитата аурората изгледа сосема поинаку отколку од Земјата. Наместо светлечки завеси на хоризонтот, астронаутите гледаат огромен прстен од зелени и црвени нијанси, кој ја обвива планетата. На снимката на Меир се забележуваат блескави зелени бранови што се движат непосредно под вселенското летало, додека во заднината се гледа закривеноста на Земјата.
A timelapse view from our @SpaceX Dragon of the spectacular southern aurora seen in yesterday’s post, a result of a recent solar event. As opposed to the previous aurora I’ve seen, this one danced and snaked its way directly below us, putting on quite a show. I am in awe of this… pic.twitter.com/ReztjH3x9H
— Jessica Meir (@Astro_Jessica) June 7, 2026
Меир моментално е дел од мисијата „Спејс-икс Кру-12“ на НАСА, која од февруари годинава престојува на Меѓународната вселенска станица. Мисијата се изведува со вселенското летало „Драгон“, развиено од Спејс-икс во рамките на програмата за комерцијален превоз на астронаути на НАСА.
Интересно е што снимката е објавена во период кога екипажот на станицата се соочува со дополнителни технички предизвици поврзани со истекување воздух во рускиот сегмент на Меѓународната вселенска станица. Меир истакна дека, и покрај тоа, астронаутите се безбедни и имале можност да уживаат во ова ретко и величествено небесно шоу.
