Во неделата Трамп го критикуваше папата на својата социјална мрежа Трут соушал поради, како што наведе, „лошите“ резултати во борбата против криминалот и „ужасната“ надворешна политика. Тој сугерираше и дека папата Лео, првиот американски папа, е избран за да му угоди на американскиот претседател.
„Папата е поглавар на држава и верски водач кој претставува милиони верници“, кажа Дијаз. „Не е важно дали некој е религиозен или не, ваквите коментари се непримерни“.
Дијаз додаде дека ги почитува и Трамп и папата во нивните улоги, но праша што би се случило ако слични коментари се упатат кон други светски лидери. „Да го кажев јас за лидер на друга земја она што Трамп го кажа за папата, кој знае што ќе се случеше?“, се праша таа.
Шпанската вицепремиерка потсети и дека е меѓу шпанските министри на кои им е забранет влез во Израел поради нејзините „антиизраелски“ ставови. „За мене, фактот што Израел ми го одбива влезот е поважен од фактот што Европската комисија не направи ништо за да нè одбрани нас, министрите на земја-членка на ЕУ“, кажа таа.
Таа се пожали дека ЕУ не реагирала слично на заканите на Трамп. „Трамп јасно објави што ќе ѝ направи на Европската Унија пред Божиќ, но Европската комисија сè уште не одговорила ниту ги презела потребните чекори“, кажа таа.
На крајот, Дијаз потврди дека шпанската влада е подготвена за заканата на Трамп за прекин на трговските односи со Мадрид. „Шпанија е лидер во светот во заштитата на демократијата, човековите права и меѓународното право“, заклучи таа.
