Веселин Милиќ, началник на белградската полиција и поранешен советник на претседателот Александар Вучиќ, беше уапсен на 15 мај и оттогаш е во притвор.
Тој е осомничен за неколку кривични дела, вклучително и прикривање на убиството во белградски ресторан на 12 мај и спречување на истрагата за околностите околу исчезнувањето на Александар Нешовиќ Баја, кого медиумите го поврзуваа со еден од мафијашките кланови.
По неколку дена полицијата објави дека телото на убиениот Нешовиќ е пронајдено во закопано буре. Истрагата за сите околности на тоа злосторство и вклучените лица е сè уште во тек.
Обвинителите денес објавија дека истрагата покажала дека нема докази дека Милиќ му помогнал на сторителот по убиството, но дека тој имал знаење за тоа и дека тој, како службено лице, не го пријавил злосторството.
По апсењето на неговиот поранешен советник за борба против корупцијата и организираниот криминал, Вучиќ најави донесување закони и санкционирање на полициски и воени функционери кои ги штитат криминалците.
