„Одлуката е донесена како дел од напорите за исполнување на ветувањето за враќање на меѓукорејската доверба и мир на Корејскиот Полуостров“, изјави јужнокорејски воен претставник.
Прекинувањето доаѓа една година откако војската ги продолжи ваквите пропагандни емитувања во јуни минатата година, како одговор на повеќекратното лансирање балони со ѓубре преку границата од страна на Северна Кореја, објави Јонхап.
Јужнокорејскиот претседател Ли Џеј Мјанг, кој ја презеде функцијата минатата недела, вети дека ќе ги прекине пропагандните кампањи што вклучуваат фрлање летоци и емитување пораки против Пјонгјанг, како дел од напорите за подобрување на нарушените меѓукорејски односи.
