Членовите на западната алијанса досега се ограничуваа на поддршка на Украина, кажа Путин.
Сега, како што рече, на Запад отворено се дискутира за подготовките за војна против Русија.
„Тие ги зголемуваат своите воени и офанзивни трошоци… За да ја оправдаат оваа милитаризација, земјите од НАТО и Европската Унија користат лажни тврдења за воена закана од наша страна“, нагласи рускиот претседател, според официјалниот транскрипт од говорот.
Речиси 40 проценти од руските буџетски трошоци моментално одат за војската, вооружувањето и безбедноста, истакнува агенцијата ДПА.
Сепак, според Путин, Москва се залага за мултиполарен систем на меѓународни односи кој ја гарантира воената безбедност на секоја држава.
„Истовремено, ние сме подготвени оперативно и соодветно да одговориме на сите надворешни и внатрешни закани“, предупреди 73-годишниот лидер.
