Мбапе цели кон врвот, сака да биде гледан како еден од најдобрите играчи кои се појавиле, но свесен е дека за такво нешто треба да освојува и големи клупски трофеи.
Титулите во домашното првенство кои ги има освоено со ПСЖ немаат некоја голема тежина ако се знае доминацијата на овој клуб во однос на останатите во Франција.
И покрај тоа што тимот на ПСЖ сега е полн со ѕвезди како Донарума, Нејмар, Ди Марија, Серхио Рамос… Мбапе не е убеден дека може да ја освои Лигата на шампионите.
Според „Л’Екип“ тоа е главната причина поради која сака трансфер во Реал Мадрид кој во изминатите години покажа дека знае како се освојува ЛШ. Плус тежината на трофејот во Примера е многу поразлична од онаа во Лига 1.
Мбапе има уште една година од договорот со ПСЖ и ако не стави потпис на нов договор, следното лето ќе може да си замине како слободен играч.
