Барселона сама одлучува за пласман во осмина-финалето од Лигата на шампиони откако синоќа со минимални 0-1 стигна до триумф на гостувањето кај Динамо Киев. Херој на гостите беше Ансу Фати, кој успеа на време да ја санира повредата и погоди за три важни бода.
„Дете со својот гол и донесе на Барса 3,5 милиони евра, оваа сума ја добивате за победа на натпревар од групната фаза во Лигата на шампиони. Во меѓувреме, двајцата најплатени туристи од Барселона, Кутињо и Умтити, дремеа на клупата. Пред два месеци ни беше кажано дека платите ќе им бидат намалени но уште чекаме“ – вели новинарот Сике Родригез.
