Барса не можеше до чудо во Минхен, „каталонците“ мораат да се помират со реалноста и за прв пат по 20 години да не бидат дел од нок-аут фазата во Лигата на шампионите.
Вечерва Баерн беше пресилен, Милер донесе водство во 34. минута, за Сане во финишот на првиот дел да испрати „проктил“ од 25 метри и да зголеми на 2-0.
Во 62. минута, Мусиала ги постави конечните 3-0 и ја испрати Барселона во Лига Европа.
Бенфика откако го преживеа Камо Ноу пред две недели, вечерва рутински со 2-0 го совлада Динамо Киев и го обезбеди второто место во групата.
Пласман во осминафинале обезбедија и Салцбург и Лил откако вечерва ги добија директните пресметки со Севиља, односно Волфзбург.
Последниот патник ќе биде познат утре, снегот го одложи мечот помеѓу Аталанта и Виљареал во Бергамо.
