Поради проблеми со срцето, Кун Агуеро пред планираното ја завршува кариерата, Аргентинецот на 33-години се збогува со фудбалот.
„Моето здравје е на прво место. Медицинскиот тим ми рече дека е најдобро да прекинам со играње, па сега заминувам од Барселона и се пензионирам од фудбалот“, вели Агуеро.
„Заминувам со крената глава, среќен сум. Не знам што ме чека во следниот живот. Знам дека има многу луѓе кои ме сакаат и ми посакуваат се најдобро“.
„Мојот сон како дете беше да играм во првата лига и никогаш не помислував дека ќе стигнам до Европа. Сакам да им се заблагодарам на Индепендиенте, Атлетико Мадрид, Манчестер Сити и Барселона. Сите ме третираа многу добро. И јасно до аргентинската репрезентација која ми е љубов“.
