„Таква опасност навистина постои. И мислам дека веќе е забележлива кај учениците. Тоа е поврзано со образовниот систем, каде што учениците се обраќаат на системи за вештачка интелигенција како ЧетГПТ и други платформи за да најдат одговори на секакви прашања. И така ја губат способноста да размислуваат“, одговори Лекторски на прашањето на РИА Новости дали широката употреба на вештачката интелигенција ќе доведе до тоа луѓето да „го користат својот мозок“ сè помалку и помалку.
Според него, предизвикот со кој се соочува образованието денес не е само да ги „вооружи“ учениците со знаење, туку да ја развие нивната способност за критичко и независно размислување.
„Некој што работи во областа на образованието неодамна рече: ако ученикот е навикнат да верува во вештачката интелигенција, тогаш ако вештачката интелигенција му каже дека 2 помножено со 2 е еднакво на 5, тој ќе поверува во тоа и ќе помисли дека е вистина. Тоа е ужасна работа, апсолутно не смее да се прави“, нагласи рускиот академик.
Затоа, додаде Лекторски, потребно е да се повлече граница помеѓу тоа каде можат и треба да се користат можностите на вештачката интелигенција и каде тоа апсолутно не е дозволено.
