Приведени се три лица од ЈП „Комуналец“ – Гостивар: вршителот на должност директорот Аратана Асани, раководителот на Одделението за водовод Вадедин Дервиши и техничкиот директор Леон Нуредини.
Акцијата на полицијата е во координација со Основното јавно обвинителство. Приведените се осомничени за кривичните дела „загадување вода за пиење“ и „тешки дела против животната средина и природата“.
Нема официјални информации од надлежните институции за текот на акцијата.
Во текот на денот се очекува официјално соопштение со повеќе детали за преземените мерки и текот на денот.
Неофицијално, во извештајот на Институтот за јавно здравје пишува дека од четирите испитани примероци на вода, во два се пронајдени фекални колиформни бактерии, а во еден примерок е утврдено и зголемено присуство на хлор.
