Повеќето посетители на Европа ги фокусираат своите патувања на Франција, Шпанија и Италија, но на континентот има импресивни 44 земји признати од ОН за истражување, пишува Си-ен-ен.
Медиумот пишува дека Македонија, „драматично планинска дестинација веднаш северно од Грција, е достојна за поголемо туристичко внимание“ и додава дека вредни за внимание се „нејзиниот пејзаж со бујни зелени падини и снежни карпи и нејзината разновидна вкусна кујна, со низа јадења на маса што се менуваат од долина во долина“.
„Таа е благословена и со сончева клима, што помага зеленчукот да биде богат и сочен, а вината од нејзините лозја да бидат робусни и изобилни“, пишува Си-ен-ен.
