„Трпела удари, силни удари, неправди, стигматизации, но никој не може да каже дека не била авангарда, градител на модерните текови, носител на решенијата потребни на луѓето на Македонија. И никој нема право да каже дека не сме се бореле за Македонија. Сме се бореле и ќе се бориме затоа што Македонија е нашето се”, порача Мицкоски.
Говорејќи за она што го направила партијата, тој рече дека нови позитивни ветришта доаѓаат, а ВМРО-ДПМНЕ ќе ги предводи промените кои во Македонија ќе создадат она што сега насушно треба, а тоа е систем. Ја критикуваше власта дека со своето однесување довела до тоа во Македонија да има граѓани од прв и граѓани од втор ред. Но, порача дека „Македонија за сите луѓе” е новото кредо на партијата и новата политичка стратегија на ВМРО-ДПМНЕ.
Мицкоски го најави новото визуелно ребрендирање на партијата, со црвена, црна и жолта боја, а потоа и на осум, како симбол на, како што рече, нивниот патриотизам и обединување. Тој ги повика сите кои своите идеали ги наоѓаат во десниот политички спектар на Македонија и тоа од мекиот центар, до крајната десница да се здружат зашто така „ќе нема кој да ги победи”.
„А знакот на успехот, на штиклираното одобрување, значи потврда за нашата решеност и преданост кон идејата, но и приказ дека сме сложни и дека никој не може да не скрши кога сме обединети. Со знакот се симболизира и почетокот на нашата борба, падовите кои ги имавме овие триесет и една година, но и издигнувањата и успесите за кои се бориме, исправањето на партијата и исправањето на државата, кое ќе го обезбедиме. Нашата иднина е економски развиена држава членка на Европската Унија и НАТО”, изјави тој.
Најави дека ВМРО-ДПМНЕ ќе ги посетува населените места и градови каде ќе зборуваат за политиките, додавајќи дека нивниот слоган е „Македонија за сите луѓе”.
