„СДСМ, коалицијата и демократското мнозинство граѓани нема на бранот на еуфоријата да му дадат на Мицкоски поголема власт од оваа која ја освои на локалните избори. Државата и нејзината иднина се многу поважни од желбата за власт на Мицкоски“, порачува СДСМ.
Партијата оценува дека на граѓаните им е потребна Влада која дава резултати во своето работење и особено во време на пандемија и енергетска криза и Влада која нема да го закочи евроинтегративниот процес.
Ова парламентарно мнозинство затоа нема да гласа за брзи предвремени парламентарни избори, порачуваат од СДСМ и нагласуваат:
„СДСМ, коалицијата и граѓаните нема да дозволат ВМРО-ДПМНЕ и Мицкоски да го поништуваат Договорот од Преспа, да нѐ втурнат во нови кавги со Грција и другите соседи, да не внесат во конфликт и внатрешна омраза и на тој начин да поништат сѐ што постигнавме заедно во овие четири години“.
