На настанот настапија наградените ученици, добитници на специјалната награда „Ѓорги Доневски”. Наградата го носи името на Доневски, кој е еден од иницијаторите да се формира здружението и да се направи Споменикот на децата бегалци во 1988 година. Во негова чест и за да не се заборави културата, уметноста, историјата и голготата на еден народ, во март годинава Здружението распиша конкурс за сите основни училишта. Децата глумеа, пееја, цртаа и пишуваа, а наградените ученици ќе добијат таблети.
Присутните положија цвеќе пред Споменикот на децата бегалци. За него со години се грижеше Здружението на децата бегалци од Скопје, а од денеска грижата за споменикот ја преземаат Град Скопје и Општина Центар.
Градоначалниците на Скопје Петре Шилегов истакна дека е многу важно да учиме од нашата историја и порача да се чува ова дело.
„Да не дозвилиме децата да ја имаат судбината на нашите дедовци. Затоа секогаш треба да бидеме посветени, со сериозни анализи, опфати и планирања кои се потезите кои ги влечеме во македонската политика. Во Град Скопје креираме политика секогаш да имаме подадена рака и таа секогаш да биде полна со луѓе затоа што само со луѓето можеш да живееш“, изјави Шилегов.
Градоначалникот на Центар Саша Богдановиќ порача да се градат мостови и пријателства за да не се повторуваат настани како што се случувале во минатото.
