„Во петокот имаше доста необични активности по должината на украинско-белоруската граница, од белоруска страна. Внимателно ја следиме ситуацијата, држиме сè под контрола и ќе реагираме доколку е потребно“, рече Зеленски на социјалните мрежи, без да наведе други детали.
Yesterday, there was rather unusual activity along sections of the Ukraine–Belarus border – on the Belarusian side. We are closely documenting everything and keeping the situation under control. If necessary, we will react.
Ukraine is ready to defend its people and its… pic.twitter.com/NRHIXHpPiM
— Volodymyr Zelenskyy / Володимир Зеленський (@ZelenskyyUa) May 2, 2026
Тој, исто така, објави дека Украина подготвува неколку нови пакет санкции што ќе се применат веднаш и во блиска иднина.
Зеленски нагласи дека се во тек преговори со партнери во Европа, Блискиот Исток и Заливот за зајакнување на воздушната одбрана на Украина и поттикнување на економската стабилност. Тој додаде дека очекува „значајни резултати“ од разговорите на високо ниво закажани за мај.
Британската новинска агенција Ројтерс пренесе дека Зеленски веќе неколку недели ја повикува Белорусија да не се вклучува понатаму во војната што ја води Русија.
Белорусија на почетокот на руската инвазија на Украина во февруари 2022 година отстапи дел од својата територија на границата на руските сили.
Украинското воено воздухопловство и граничните служби засега не одговориле на барањата за коментар.
