„Исклучително важно е добрите примери и практики да ја добијат потребната поддршка од јавноста. Затоа ќе продолжам да ги поддржувам ваквите иницијативи, што ќе ги зајакнат нашите добрососедски односи во иднина“, рече на доделувањето на наградите Кјучук, кој инаку е редовен поддржувач на вакви иницијативи.
По доделувањето на наградите, како што објави МИА, Кјучук и директорот на СУ „Вела Благоева“ Ангел Јанчев се договориле од следната година на конкурсот покрај ученици од Бугарија да учествуваат и ученици од Македонија. Двајцата сметаат дека местото на Македонија е во Унијата и ваквите заеднички иницијативи се чекор кон подобри односи меѓу земјите во иднина. Шампионите ќе добијат шанса да гостуваат на ЕП во Брисел. Целта на натпреварот е кохезија и добрососедски односи да се развиваат во иднина.
Оваа година на конкурсот организиран од СУ „Вела Благоева“ во партнерство со Универзитетот во Велико Трново „Св. Свети Кирил и Методиј“ и под покровителство на Кјучук, учествуваа рекорден број учесници од целата земја. Победниците на конкурсот ќе добијат награда и ќе имаат можност да го посетат Европскиот парламент.
