„Најостро го осудувам палењето на куќата на директорот на Управата за извршување санкции, Александар Пандов. Му давам целосна поддршка во неговата истрајност и борба против криминалот и корупцијата. Овој случај како и неколкуте други случаи поврзани со лицата вработени во УИС и затворите, бараат одлучна акција во која ќе се утврдат причините и најстрого ќе се казнат можните сторители. Правда мора да има и ќе има!“, се вели во реакцијата на министерот Филков.
Викенд куќата на Пандов во скопското село Орешани беше опожарена вчера, а случајот во полиција ги пријавил лично тој. Полицијата, како што наведуваат, презема мерки за расчистување на случајот.
