Овие седум лица беа членови на управниот одбор на здружението, кое беше судски признато. По судското признавање на здружението, беа покренати две тужби против неговото признавање. Првата од страна на јавниот обвинител на Лерин и здружението Панмакедоники – сојуз на македонската борба на Грција – Австралија, каде што се вмешаа и други лица (физички и правни). И втората од јавниот обвинител на Лерин и здружението Панхеленско здружение на потомци на македонските борци Павлос Мелас.
Најпрво беа донесени две подеднакво историски одлуки за зачувување на фундаменталните права со кои му се дозволи работата на Центарот за македонскиот јазик во Грција. Сепак, противниците на Центарот поднесоа две жалби против тие две историски одлуки, кои беа прифатени од Апелацискиот суд, кој ги усвои ставовите на противниците кои тврдеа дека се создава конфузија околу целите на здружението чие постоење е закана за јавниот ред во Грција. Апелацискиот суд со две одлуки нареди распуштање на здружението.
Двете судења против двете одлуки на Апелацискиот суд ќе се одржат на 21 септември 2026 година во Врховниот (Касациониот) суд на Грција. Во случај Врховниот суд да донесе две негативни одлуки, слично како и Апелацискиот суд, Центарот за македонски јазик во Грција ќе поднесе жалба до Европскиот суд за човекови права во Стразбур, каде што досега здруженијата за правата на малцинствата во Грција секогаш добиваа правда.
За трошоците на двете судења во Врховниот суд на Грција (судски трошоци, даноци, адвокатски трошоци) мора да се соберат 10.000 (десет илјади) евра до 15 септември 2026 година.
Центарот за македонски јазик во Грција апелира за финансиска поддршка со кој било паричен износ со цел да се покрие износот од 10.000 евра. Тие бараат поддршка за клучната правна борба за фундаментални права во Грција.
Донацијата може да се изврши и преку Македонското меѓународно движење за човекови права или преку директен контакт 1-416-850 7125, [email protected].
