Сребрениот медал претставува значаен напредок во однос на минатогодишниот бронзен медал Бронз Топ 35 отсто и е уште една јасна потврда за долгогодишната посветеност на Алкалоид на одржливиот развој, одговорното работење, транспарентноста и континуираното унапредување на деловните практики. Ова признание дополнително ја потврдува зрелоста на системскиот пристап на компанијата во имплементацијата на ЕСГ-стандардите и ја зајакнува довербата кај нејзините меѓународни партнери и соработници.
Според резултатите од оценувањето, најзначаен е пласманот на Алкалоид меѓу најдобрите три отсто од оценетите компании во индустриската категорија производство на основни фармацевтски производи и фармацевтски препарати. Дополнително, во поединечните области, Алкалоид се наоѓа меѓу најдобрите еден отсто компании во областа животна средина и еден отсто компании во областа трудови и човекови права, меѓу најдобрите 13 отсто во областа одржливи набавки и меѓу најдобрите 19 отсто во областа етичко деловно однесување.
ЕкоВадис е една од водечките глобални платформи за оценување на корпоративната одржливост, а нејзината методологија ги опфаќа областите животна средина, трудови и човекови права, етика и одржливи набавки.
Признанието од ЕкоВадис претставува дополнителен поттик компанијата и натаму да ги унапредува своите практики и да создава долгорочна вредност за вработените, партнерите, заедницата и за сите засегнати страни, во согласност со најдобрите меѓународни стандарди и практики.
Во годината во која компанијата го одбележува својот голем јубилеј, 90 години Алкалоид, ова е уште еден доказ за вредноста на знаењето, за моќта на посветеноста за создавање траен импакт и за важноста на упорноста во градењето доверба што трае низ годините.
