Три лица се тешко повредени откако возило удрило во електричен столб

Три лица се повредени во сообраќајна несреќа на патот Охрид-Подмолје, кај клучката „Св. Еразмо“, кога патнички автомобил „опел“ со струшки регистарски ознаки, управуван од С.М. (70) од струшкото село Подгорци, излетал и удрил во метален електричен столб. Тој и две малолетни лица на возраст од 14 и 16 годишна возраст од селото Подгорци, се префрлени во болницата „Св. Еразмо“ во Охрид каде им биле констатирани тешки телесни повреди.