Пронајден осомничениот кој осквернави 11 гробови на гробиштата во Бутел

„На 13 јуни 2026 во 17:50 часот на подрачјето на Шуто Оризари во Скопје, полициски службеници од Единицата за интервентна полиција при СВР Скопје го лишија од слобода К.К. од Скопје. Имено, на 12.06.2026 во 17 часот во СВР Скопје, вработен во Градските гробишта Бутел пријави дека го забележал К.К. како со метален предмет оштетил 11 гробни места и побегнал од местото. По преземени мерки тој е пронајден и приведен во полициска станица. По целосно документирање на случаите против него ќе биде поднесена соодветна пријава“, информира полицијата.