Утрово, во 3 часот по полноќ, полициски службеници од Новаци го лишиле од слобода Т.Т.(38) од селото Маково. Тој бил баран по потерница од Казнено-поправната установа Затвор Битола за доиздржување затворска казна и е предаден на затворските служби, информира МВР.
„Вчера во 14.20 часот во селото Слатино, тетовско, полициски службеници од Полициското одделение Теарце го лишиле од слобода М.Љ.(47) од с.Слатино. Тој бил баран по потерница од Основен суд Тетово за издржување казна затвор за сторено кривично дело по член 206 од Кривичниот законик. Лицето било спроведено во Казнено-поправната установа Затвор Тетово за издржување на казната. На 05.01.2022 во 21.00 часот во Радовиш, полициски службеници од Полициската станица Радовиш го привеле А.А.(23) од Радовиш. Тој бил баран со потерница од Казнено-поправната установа Затвор Идризово за издржување затворска казна. Лицето било предадено во Казнено-поправната установа Затвор Идризово за издржување на казната“, пишува МВР во денешната хроника.
