Ферари го претстави Рома есента 2019 година и тивко го заврши производството минатата година. Сепак, неговиот дух живее во новиот амалфи.
Ова е всушност фејслифт верзија на претходникот, а амалфи ветува дека ќе го редефинира „современиот спортски дух“ со „комбинирање на високи перформанси, разновидност и рафинирана естетика“. Моделот, исто така, има подобрен погонски дел, како и обновен ентериер.
Почнувајќи под хаубата, амалфи ја има најновата еволуција на твинтурбо 3,9-литарскиот V8 мотор на италијанската компанија. Тој дава 640 коњски сили и вртежен момент од 760 њутнметри. Тоа е зголемување од 20 коњски сили и му овозможува на моделот да забрза од 0-100 километри на час за 3,3 секунди, пред да ја достигне максимална брзина од 320 км/ч. Ова го прави автомобилот за една десетина од секундата побрз од својот претходник, иако максималната брзина останува непроменета.
Ферари вели дека моторот има подобрени турбополначи, наменски сензори за притисок за секој цилиндарски блок и црвена линија што е зголемена на 7.600 вртежи во минута. На тоа се придружува нова контролна единица на моторот, редизајниран блок и нови лесни брегасти вратила.
Моторот е поврзан со осумбрзински менувач со двојна спојка. Тој е „дополнително оптимизиран со помоќна контролна единица и подлабока интеграција со софтверот на моторот, подобрувајќи ја мазноста и брзината на менувањето брзини“.
Во остатокот на автомобилот, Италијанците го вратија концептот придушувачот за да ги исполнат најстрогите прописи за емисија на бучава, со што се компромитира препознатливиот тон на автомобилот. Компанијата додаде дека автомобилот има нов пропорционално контролиран вентил со наменски мапи за прилагодување на звукот на издувот на различните услови на возење.
Познат, но еволутивен дизајн
Што се однесува до дизајнот, автомобилот е веднаш препознатлив како дериват на Рома и покрај неговата, според Ферари, „поизвајана и модерна форма“. Предниот дел е целосно обновен, бидејќи Амалфи ја менува традиционалната решетка со широк низок отвор за воздух и темна лента која ги поврзува редизајнираните фарови. Тие се споени со голем сплитер и дискретни сензори.
Профилот на автомобилот изгледа во голема мера нечепнат, но Ферари истакнува дека автомобилот вози на 20-инчни тркала. Тие можат да бидат обвиткани со гуми бриџстон потенца или пирели П зеро.
Задниот дел е исто така обновен, бидејќи можеме да видиме позаоблена „фаца“ и вдлабнатината за регистарската табличка е преместена во близина на дифузерот. Дизајнерите му дале на амалфи и нови отвори за вентилација и задни светла.
Потрадиционален ентериер со копчиња
Некои од најголемите промени се случуваат внатре, бидејќи кабината е целосно обновена. Како дел од преуредувањето, автомобилот има нова контролна табла и ја отфрла рампата што ги разделуваше возачот од патникот.
Последната промена ѝ овозможи на компанијата да инсталира по традиционален 10,25-инчен инфозабавен систем со епл карплеј и андроид ауто. Има нов распоред и е значително поголем од стариот 8,4-инчен систем.
Што се однесува до дисплеите, има 15,6-инчна дигитална инструмент табла и 8,8-инчен дисплеј за совозачот. Вториот може да ги забавува сопатничките со статистики за вртежите на моторот и страничните сили во своици.
Возачите седат зад нов волан, кој има еволутивен дизајн, но и физички копчиња. Ова вклучува враќање на алуминиумско копче за стартување.
Централната конзола е изработена од блок од алуминиум и има менувач, брава за клуч и подлога за безжично полнење. Можеме да видиме и акценти од карбонски влакна, како и минималистички потпирач за раце.
Ферари не кажува многу за ентериерот, но истакнува дека моделот ќе се нуди со удобни седишта кои се достапни во три големини. Тие се вентилирани и имаат функција за масажа која користи десет воздушни комори за да ги направи долгите патувања порелаксирачки. Купувачите можат да се одлучат и за аудио систем Бурместер кој има 14 звучници и моќност од 1.200 вати.
