Под хаубата на 750иЛ во тоа време беше моќен V12 мотор и овој конкретен примерок бил исклучително добро одржуван и изгледа како што изгледал кога првпат излегол од фабриката. Видеото не се фокусира само на безвременскиот надворешен дизајн на автомобилот туку и на внатрешноста.
Домаќинот забележува дека материјалите во кабината изгледаат многу свежо, вклучувајќи ги кожата и пластиката. Како и секој автомобил од 1990-тите, има повеќе пепелници но најимпресивен е дисплејот на навигацијата во боја на инструмент таблата. Можеби е мал, но за автомобил од тоа време е прилично кул додаток.
Во видеото има и две особено специјални „седумки“ Е38. Првиот модел е во црвено-сребрена боја и е дизајниран од Карл Лагерфелд и е направен преку соработка на БМВ Индивиџуал и хотелот Четири сезони во Хамбург, Германија.
Овој примерок во кабината има факс-машина, ВХС рекордер, екран на задниот дел на централната конзола, два телефони и дури и фрижидер меѓу задните седишта.
На крај е претставен 750иЛ од филмот со Џејмс Бонд „Утрешнината никогаш не умира“. Опремен е со цела низа уникатни додатоци за филмот, па дури и со систем за управување на задното седиште.
[video:https://youtu.be/QIKNYZk0M6s autoplay:0]
