На социјалните мрежи најмногу се споделува делот во кој Вучиќ им раскажува на Британците за озборувањата дека неговата мајка била неморална и го изневерила неговиот татко со некој Албанец.
Uništiću vas u celom svetu
Ide po stranim kanalima i priča kako mu za majku pričaju da je kurva pic.twitter.com/Q3nCOk923e— Marijana 🇷🇸 (@Artemijevka) April 29, 2026
„Аргумент во кој некој фрла клетви кон вас, па дури и додава дека вашиот татко всушност не е ваш татко затоа што вашата мајка била ку*ва и го изневерила вашиот наводен татко со еден Албанец и затоа сте толку проалбански настроени“, кажа Вучиќ во подкастот.
Вучиќ, неиспровоциран, така му раскажа на светот за долгогодишната теорија на заговор која се појави во јавниот простор од 2010 година, кога првпат беше објавена во белградскиот неделник Таблоид, а подоцна периодично се враќаше во таблоидите и на социјалните мрежи.
Во центарот на тие озборувања е тврдењето дека биолошки татко на Вучиќ не е Анѓелко Вучиќ, туку косовскиот новинар Фахри Муслиу, што никогаш не е докажано, а двајцата постојано го негираат. Самиот Муслиу кажа дека станува збор за повеќегодишна кампања на клевети што се шири низ целиот Балкан и повремено се реактивира во политички контекст, каде што неговото име се користи без никакви докази.
Со текот на годините Вучиќ реагираше на овие тврдења главно како пример за политички напади и обиди за негова дискредитација, честопати јавно споменувајќи ги во телевизиски настапи и кампањи со цел да покаже, како што тврди, нивото на навреди на кои е изложен. Во одредени периоди, особено за време на изборните кампањи, тој самиот ги истакнува овие обвинувања, тврдејќи дека доаѓаат од политички кругови и опскурни медиуми, и ги користи како аргумент за „валканата кампања“ против него.
