Автомобилите, улиците и автопатите се покриени со снег и мраз, а луѓето ја искористија оваа ретка прилика за фотографирање и играње во снегот.
„Имам 62 години и никогаш не сум видел снег. Да се гледа таа убавина на природата е нешто неописливо“, кажа возачот на камиони Гонкалвес Маркез во градот Камбара до Сул за телевизијата Глобо.
[video:https://youtu.be/jyK48QDTJQQ autoplay:0]Повеќе од 40 града во државата Рио Гранде до Сул се под мраз, а во најмалку 33 општини паднал снег, извести метеоролошката служба.
Невообичаено студеното време во Бразил веќе успеа да ги зголеми меѓународните цени на кафето и шеќерот, а денешниот ден е најстудениот во годината, пишува Ројтерс.
TEMPO | Muita neve em São Francisco de Paula com acumulação. Vídeo de Davis Pinheiro. pic.twitter.com/oLg4cnJ96L
— MetSul.com (@metsul) July 28, 2021
Бранот студен воздух ќе тргне кон северот на Бразил. Според метеоролошката служба, ветриштата во градот Сан Франциско де Паула достигнувале 80 километри на час, што е ретка појава во Бразил.
„Речиси и да не се чувствува студот поради возбудата околу снегот. Чудесен е, чудесен“, кажа Жоселаин да Силва Маркез.
Intense Antarctic cold is racing through South America right now, widespread frost with some snow observed all the way into southern Brazil.
Coffee prices are surging as the cold threatens production. pic.twitter.com/KcokCx3Gv4
— Scott Duncan (@ScottDuncanWX) July 29, 2021
Метеоролозите велат дека студените воздушни маси се вообичаени во ова време на годината, но интензитетот и зачестеноста на овие појави се смениле поради климатските промени.
„Тоа е поврзано со големата климатска варијабилност и глобалното загревање кое ги предизвикува овие екстреми“, вели научникот од бразилскиот Национален институт за метеорологија Француско де Асис.
