„Не станува збор за тоа Соединетите Американски Држави да ги диктираат условите“, изјави Карни пред новинарите во Отава пред состанокот на клубот на пратеници на либералите. „Преговорите се пред нас и можеме да постигнеме заемно корисен исход. Ќе биде потребно време, а ние ќе одвоиме онолку време колку што е потребно“, додаде тој.
Карни кажа дека двете земји ги идентификувале спорните областите пред очекуваните разговори за договорот КУСМА, истакнувајќи дека постојат такви прашања од двете страни. „Јасно ни е што Американците сметаат за спорни точки во трговијата. И ние ги имаме на наша страна. Добро сме подготвени за тие прашања“, кажа тој.
Тој истакна и дека Канада презентирала „одредени контрапредлози“ со кои американската страна е запознаена. „Ќе дојде време навистина да ги засукаме ракавите“, оцени тој.
Од друга страна, Канадската телевизија Си-би-си во својот извештај наведува, повикувајќи се на неколку извори запознаени со разговорите, дека администрацијата на американскиот претседател Доналд Трамп бара низа отстапки од Отава дури и пред да почнат формалните преговори.
Поранешниот премиер на Квебек Жан Шарест, кој беше назначен во советодавниот комитет на Карни за економска соработка меѓу Канада и САД во вторникот, исто така изјави за Си-би-ес дека американскиот претседател Доналд Трамп „сака да направиме голем број отстапки пред дури и да седнеме на маса“.
Канадски извори потврдија за истиот медиум дека Отава веќе понудила отстапки на Вашингтон во два наврати, без да добие ништо за возврат.
