„Договорот за цивилна нуклеарна соработка (кој не вклучува збогатување на материјал!) што е склучен меѓу Министерството за енергетика на САД и Саудиска Арабија и се однесува исклучиво на ненаменска употреба – како онаа што веќе ја имаат Иран, ОАЕ и други земји – ќе биде одобрен, но неговото усвојување е целосно условено од тоа Саудиска Арабија да се приклучи на високоценетите и успешни Абрахамови договори“, напиша Трамп на социјалната мрежа Трут соушл.
Тој додаде дека САД не се противат на изградбата на цивилни нуклеарни објекти кои не вклучуваат збогатување на нуклеарен материјал.
Абрахамовите договори, иницирани од администрацијата на Доналд Трамп за време на неговиот прв мандат, претставуваат рамка за нормализирање на односите на Израел со одредени арапски држави.
