Талибански вооружени лица денеска го задушиле протестот во источниот град Џалалабад, кој се наоѓа на само 130 километри од главниот град Кабул.
Според медиумите, меѓу кои и Ал џезира, најмалку две лица загинале, а уште 12 се повредени во престрелката. Според новинарите на теренот, многумина од жителите на градот се противеле на замената на знамето на Авганистан со талибанското знаме.
На снимка споделена на интернет може да се видат демонстранти како ја креваат црвената, црна и зелена тробојка на авганистанската држава, откако наводно го отстраниле талибанското знаме.
Локалната Паџхвок авган њуз објави дека стотици луѓе излегле на улиците во центарот на Џалалабад, по што неколку талибански вооружени лица отвориле оган врз демонстрантите.
#Taliban firing on protesters in Jalalabad city and beaten some video journalists. #Afghanidtan pic.twitter.com/AbM2JHg9I2
— Pajhwok Afghan News (@pajhwok) August 18, 2021
Може да се видат мажи и жени како бегаат на безбедно додека низ градот се слушаат истрели. Агенцијата, исто така, тврди дека талибанците претепале неколку новинари што известувале за настаните.
#BREAKING: Taliban fires at Afghan locals in Jalalabad city of Afghanistan after the crowd removed Taliban flag and waved Afghan tricolour flag openly. Taliban terrorists can be seen firing at the crowd to disperse them. Taliban fears an open rebellion. pic.twitter.com/pqMfZkZ6wQ
— raaz (@raaz_india) August 18, 2021
На претходните снимки што ги сподели авганистанската новинска агенција Паџхвок се гледаат Авганистанци што го веат своето државно знаме додека маршираат низ улиците.
Protest in Jalalabad city in support of National flag.#Afghanistan pic.twitter.com/oxv3GL0hmS
— Pajhwok Afghan News (@pajhwok) August 18, 2021
