„Секако, ако тоа е поврзано со оперативна работа за спречување на терористички напади, а знаеме дека за жал понекогаш ги пропуштаме ваквите напади, приоритетот секогаш ќе биде на безбедноста на луѓето“, додаде тој. Властите го исклучија мобилниот интернет во Москва речиси три недели минатиот месец и редовно го блокираат на други места, наведувајќи го ризикот од украински беспилотни летала кои би можеле да ја користат мрежата за извршување напади.
Во телевизиско обраќање Путин кажа и дека државните службеници мора да покажат „генијалност“ во наоѓањето решенија и гарантирањето на функционирањето на клучните услуги. Прекините на интернет предизвикаа критики од претприемачите, службениците и обичните граѓани, фрустрирани од прекините во банкарството, транспортот и другите секојдневни услуги.
Извор близок до Кремљ претходно овој месец изјави за Ројтерс дека високи економски претставници и банкари лобирале кај Путин да ги ублажи ограничувањата. Путин кажа дека објавување информации за прекините на интернет однапред може да биде штетно бидејќи „криминалците, на крајот на краиштата, слушаат и гледаат сè“ и би можеле да го прилагодат своето однесување и плановите.
