„Израел е подготвен да ја обнови војната против Иран. Нашите одбранбени сили се подготвени и за одбрана и за напад, а целите се обележани“, кажа Кац.
Тој објасни дека Израел чека одобрение од Вашингтон „пред сè за да ја доврши елиминацијата на династијата Хаменеи, основачот на планот за истребување против Израел и наследникот на чело на иранскиот терористички режим, а покрај тоа и за да го врати Иран во камена доба со кревање во воздух на централните енергетски и електрични објекти и уништување на националната економска инфраструктура“.
Тој додаде дека следниот напад ќе биде различен од претходните. „Овој пат нападот ќе биде различен и смртоносен и ќе зададе разорни удари на најболните места. Тие ќе се надоврзат на огромните удари што веќе ги претрпе иранскиот терористички режим, кои ќе ги потресат и срушат неговите темели“, заклучи израелскиот министер.
